As organizacións sindicais, medioambientais e sociais, abaixo asinantes, veñen de reuinirse en Compostela, o pasado día 27 de Xaneiro, para responder a lei de montes veciñais en man común que o Partido Popular pretende aprobar no presente ano.
Se ben e certo que a día de hoxe non existe borrador do proxecto da nova lei de montes veciñais, taménée certo que da lectura do, xa definitvo, Libro Branco sobre a reforma da regulamentación dos montes veciñais en man común da comunidade autónoma galega, do que derivará o borrador do proxecto da nova lei de montes veciñais, e das declaraciöns püblicas feitas por responsabeis de Consellaría do Medio rural pódese asegurar que o obxetivo fundamental da nova lei de montes veciñais é a eliminación do carácter xermánico destas terras para proceder a súa privatización. É decir, eliminar o carácter indivisible e intransferibles das terras veciñais.
Así, no denominado Libro Branco para a regulamentación dos montes veciñais óodese ler que se vai a eliminar o carácter de imprescritibilidade dos montes veciñais, non só para poder privatizalos, senón tamén para legalizar as usuparcións que dos montes veciñais fixeron e siguen facendo diversas empresas. Ademais, pódese ler que van a modificar o concepto de veciño/a comuneiro/a dando entrada no mesmo a persoas físicas e xurídicas que aínda que non vivan no lugar onde se asenta o monte veciñal, si teñan algunha relación co mesmo.
As declaracións públicas de responsabeis de Consellaria do Medio rural aínda van máis lonxe neste intento de roubarlle os montes veciñais á veciñanza comuneira. Así, afirman que a nova lei de montes veciñais entregará estas terrras aos concellos con que simplemente a propia Consellería declare en estado de abandono, como se os montes veciñais en man común fosen propiedades particulares do Partido Popular. Porque para eles, un monte veciñal en estado de abandono será aquel que incumpla cuestións meramente administrativas ou burocráticas como poden ser non enviar a tempo o listado da veciñanza comuneria, a declaración de reinvestimentos obrigados ou tardar en elexir unha xunta reitora. Sen base xurídica algunha, somentes con interés político, convirten estas titularidades comunitarias en propiedades privadas para sacarllas á veciñanza comuneira e entregarllas a intereses capitalistas, especulativos e urbanisticos.
Aínda que non o explican claramente, xa que xogan a confundir, a Consellaría do Medio rural sabe perfectamente que para que a futura lei de montes veciñais contemple o que xa está escrito no chamado Libro Branco e dito nas declaracións públicas de responsabeis desta consellaría, teñen que eliminar o carácter xermánico dos montes veciñais. Sen esta eliminación non poden perpretar o roubo destas terras comunitarias .
As entidades sindicais, ambientais e sociais que se reuniron en Compostela acordaron manifestar publicamente o seu rexeitamento a este intento da Consellaría do Medio rural de eliminar o carácter xermánico dos montes veciñais para proceder a sua privatización ou municipalización. E así, acordaron, enviar un escrito a¡á Dirección Xeral de Ordenación e Planificación forestal eixindolle que no borrador do proxecto da nova lei de montes veciñais se recolla o contido na Iniciativa Lexislativa Popular presentada pola ORGACCMM. Unha ILP sobre os montes veciñais que foi elaborada por un número importante de comunidades de montes e avalada por 12.010 sinaturas. Ademais esta lei de montes veciñais contida na Iniciativa Lexislativa Popular prantexa a reafirmación do carácter xermánico dos montes veciñais, o recoñocemento da titularidade veciñal como unha máis e distinta das titularidades públicas e privadas. Ademais, esixe unha política de montes que permita acadar un monte veciñal multifuncional e sustentabe e impide que os montes veciñais sexan expropiados para beneficio das multinacionais .
As asociacións firmantes cordaron tamén constituirse en grupo de traballo para que, cando se faga público o borrador da nova lei de montes veciñais, presentar as achegas correspondentes para que a futura lei de montes veciñais estes sigan sendo titularidades veciñais, terras abertas con carácteristicas de ben común e de ben social.
Asociacións firmantes:
- Asociación para a defensa ecolóxica de Galiza
- Confederación Intersindical Galega
- Ecoloxistas en Acción
- Federación rural Galega
- Instituto galego das terras comunitarias
- Organización galega de comunidades de montes
- Sindicato labrego galego
