Categoría: Uncategorized

Publicado el

A ORGACCMM denuncia sentenzas xudiciais arbitrarias contra os montes veciñais

  • A ORGACCMM denunciará ante diversos organismos galegos, estatais e europeos a vaga de sentenzas xudiciais arbitrarias que desclasificaron montes veciñais e non clasificaron outros que teñen todas as carácteristicas para ser clasificados como tales.

A Organización galega de comunidades de montes (ORGACCMM) denuncia que a administración galega de Xustiza semella acompañar ao goberno do Partido Popular na súa procura da eliminación dos montes veciñais do territorio galego. Sinalan que isto se fixo máis patente a partir da aprobación, no ano 2019, da Primeira Revisión do Plano Forestal de Galicia na que a Consellería do medio rural marcase  como obxetivo “adaptar os montes veciñais ao rexime xurídico vixente”, eliminando o carácter de titularidade xermánica destas terras.

“Están dictando sentenzas arbitrarias que desclasifican montes veciñais e non clasifican outros que teñen todas as carácteristicas para ser clasificados como tales. Sentenzas que semellan de parte e non xustas”, declara José Alfredo Pereira,  Presidente da ORGACCMM. As comunidades de montes galegas están sufrindo sentenzas desfavorables que entenden non acordes á ordenación legal. 

Por iso, denuncian que estas sentenzas dictadas están saltándose varios artigos da lei de montes veciñais actualmente vixente. De tal feito que non declaran montes veciñais a aqueles quen non teñan un uso forestal, cando a lei de montes veciñais vixente di explicitamente que os usos actuais dos montes veciñais non poden ser impedimento para non declarar un monte como de veciñal. O mesmo  cando non declaran como monte de veciñal porque a superficie do monte é menor de 15 has, aplicando os lemas “inter vivos” e “causa mortis”, é decir mercar, vender ou transmitir montes veciñais, cando estes actos e negocios xurídicos non se poden realizar nos montes veciñais por ser estes titularidades de carácter xermánico.

Alertan de que se está legalizando así a usurpación dos montes veciñais que se fixo na dictadura franquista levaronse adiante a favor dos concellos, xa que danlle valor probatorio ao feito de que durante a dictadura franquista os montes veciñais figurasen nos inventarios de bens muncipais. Resaltan que estas sentenzas non soamente legalizan as usurpacións franquistas, senón que tamén eliminan, na práctica, o carácter de imprescritibilidade dos montes veciñais.

Ademais a ORGACCMM está moi preocupada porque estas sentenzas crean lexislación cando esta non é a función do poder xudicial. Así, de forma arbitraria, a Xustiza galega decide que todos os montes veciñais que estén situados en nucleos urbanos non serán clasificados como tales ou mesmo serán desclasificados. Para as comunidades de montes galegas a clasificación dun solo como nucleo rural só implica a súa definición de uso, non a perda da titularidade do mesmo. 

“E xurídicamente admisibel que unha norma de xerarquia inferior, os planos de ordenación municipal, prevalezan sobre unha lei autonómica galega, a lei de montes veciñais. Isto racha isto a chamada xerarquía xurídica”, apuntan desde a Organización galega de comunidades de montes.

Denuncian que isto foi o que aconteceu na última sentenza contra o monte veciñal de Noalla, no concello de Sanxenxo. Unha setenza que coincide plenamente cos obxetivos que prantexa a Consellaría do medio rural na lei de montes veciñais que quer aprobar, pero que incumpre a lexislación actual. No borrador da lei montes veciñais da Consellaría do medio rural, ademais de querer dotar as comunidades de montes de personalidade xurídica para eliminar o carácter xermánico dos montes vecñais, pretende eliminar tamén o carácter de imprescritibilidade dos montes veciñais ao esixir que a veciñanza comuneira teña que demostrar un uso continuado do monte veciñal.

“O borrador da futura lei de montes veciñais coincide coas últimas sentenzas, incluida a  última setenza contra o monte veciñal de Noalla, cando pretende que so se declaren montes veciñais aqueles que teñan somentes un uso forestal. Estamos pois diante de unha pura coincidencia ou diante de unha extratexía común entre a Xustiza e  a Consellaría do medio rural?”, asegura o Presidente da ORGACCMM.

Ante esta indefensión da veciñanza comuneira diante da non clasificación e desclasificación dos montes veciñais, ante a perda do dereito de propiedade de unhas terras comunitarias, poseidas dende tempos imemoriais, a ORGACCMM acordou levar esta situación ante diversos organismos galegos, estatais e europeos como son: a Valedora do Pobo, o Tribunal Superior de Xustiza de Galiza, o Defensor del Pueblo, o Consello Xeral do Poder Xudicial, a Delegación do Goberno do estado en Galicia, o defensor do pobo europeo,  a Comisión  de peticións do Parlamento europeo e o Tribunal europeo de dereitos humanos.

Publicado el

Chamamento á participación na manifestación ALTRI NON deste domingo 14 en Compostela

A ORGANIZACIÓN GALEGA DE COMUNIDADES DE MONTES apoia a manifestación que, convocada pola plataforma Por unha Ulloa Viva, terá lugar o domingo 14 de decembro en Compostela para rexeitar o proxecto de ALTRI.

Este proxecto é unha macrocelulosa que precisa moitas toneladas de eucalipto. Polo tanto, vai incrementar, aínda máis, as plantacións desta especie forestal. Isto nos levara a un monte forestado en rexime de monocultivo, o contrario dun monte multifuncional e sustentabel, que é un monte con futuro.

A ORGACCMM fai un chamamento á veciñanza comuneira para que acudan a esta manifestación a rexeitar o proxecto de macrocelulosa de ALTRI.

Publicado el

COMUNICADO DO INGATECO ANTE A VAGA DE LUMES

Diante da vaga de lumes que asola Galiza arrasando milleiros de hectáreas, o Instituto de Terras Comunitarias (INGATECO) esixe que se asuman responsabilidades políticas. Unha vez extinguidos os incendios forestais, compre o cese dos equipos responsables da Consellería de Medio Rural -coa conselleira e directores xerais de Planificación e Ordenación forestal e de Defensa do Monte a cabeza-pola súa incompetencia, e a convocatoria inmediata dun Consello Forestal ampliado a todas as entidades que queiran participar para analizar o resultado desta catástrofe e presentar propostas de cara ao futuro, partindo na práctica de cero.

Hai que dar un xiro radical ao sistema actual, con medidas urxentes tanto políticas como técnicas en materia de organización do espazo agrario e do monte. O INGATECO propón tratar da organización do territorio, un mapa de producións de interese socio-económico, un plano hidrolóxico que teña en conta os nosos montes como protectores, accións para velar polos Espazos Naturais, da Rede Natura e Reserva da Biosfera e unha atención especial a propiedade da terra, particular e veciñal en man común.

Nos últimos anos, profesionais do ámbito científico e académico, técnicos cualificados e especialistas da ecoloxía veñen advertindo para modificar canto antes o modelo de xestión forestal por obsoleto e insostible. Por moitas cámaras térmicas de vixiancia, equipos de investigación, directores de extinción formados en grandes lumes e medios humanos e técnicos que dispoñan as Administracións, se non se atende o cambio climático, se adaptan os recursos e se vai introducindo progresivamente unha mudanza, continuará o fracaso, un fracaso como País.

ANTECEDENTES:

Dende o INFOGA (Incendios Forestais de Galicia, apéndice do Plano Forestal de Galicia 1992-2032) ao PLADIGA (Plano de Defensa contra Incendios Forestais de Galicia, ao abeiro da Lei 03/2007 de Prevención e Defensa contra Incendios Forestais) vixente na actualidade, van 23 anos de teoría para defender o monte e as poboacións, cos nefastos resultados das últimas semanas. Con antecedentes en anos anteriores dos que non aprenderon nada nin sacaron conclusións.

Para chegar a esta situación, hai que remontarse a recepción das competencias plenas en materia de agricultura, gandeiría e montes no ano 1984 por parte da Xunta, que ata o de hoxe, non quixo adaptarse  a evolución que se estaba a dar no rural galego ante a perda de actividade agraria, o abandono da poboación, o absentismo… 

Lonxe de artellar medidas correctoras, apoiar servizos básicos no rural, planificar o territorio, motivar os propietarios de montes con axuda técnica e económica facendo unha boa xestión dos fondos europeos, dispór dun mapa produtivo de calidade e, en definitiva, defender o sector da agricultura e da gandeiría, optouse por aplicar unha política continuista do franquismo e crear unha ferramenta para poder combater os lumes forestais sabedores de que estarían presentes nos vindeiros anos.

O panorama presente é, o epílogo da política seguida nas últimas décadas aplicando aquelo de “tanto foi o cántaro a fonte que un dia rachóu”. Non se tiveron en conta

indicadores claros como o envellecemento e o abandono do rural que repercute directamente na atención das terras, e por outra, permitir con complacencia contar cunha cuarta parte do País ocupada por eucaliptal, que veremos as consecuencias que trae. 

Denunciamos o incumprimento por parte da Xunta da lexislación en materia de montes e de defensa contra incendios sobre xestión da biomasa e asemade dos Planos Forestais de Galicia (PFG): o primeiro, para o período 1992-2032, do que os únicos beneficiados foron pasteiras como ENCE, co eucalipto, ao pasar dunha previsión de 245.000 hectáreas no 2032 a 500.000 no 2025; e o segundo, -unha revisión do plano anterior-para o período 2021-2040, con 9.400 millóns de euros. Curiosamente, este último denomínase “hacia a neutralidade carbónica”, paradóxico, co que está acontecendo. Dende o INGATECO demandamos coñecer que actividade tivo éste novo plan nos cinco anos de vixencia, aínda que por moito plano forestal que a Xunta edite, se non muda de estratexia, se non existe unha xestión real do territorio, consideramos que non hai nada que facer. 

A Xunta de Galiza non atende a base territorial en canto a titularidade: o 64% son terras privadas con 1,2 millóns de propietarios de parcelas agrarias (700.000 son de montes); e un 33% de montes veciñais en man común-terras comunitarias (3.000 comunidades de montes). Fronte ao 3% de xestión pública. Como se relaciona a Administración coa propiedade? Que lle ofrece? Como asesora? Como motiva? Con que servizos se conta?. Son cuestións moi importantes que non foron abordadas e que inciden negativamente sobre o caos do agro e do monte galego e favorece a expansión dos lumes forestáis.

Publicado el

Alegacións ao proxecto mineiro Mina Doade

Achegas ao proxecto de explotación, ao estudo de impacto ambiental e ao plan de restauración presentados xunto coa solicitude de pase a concesión de explotación de 17 cuadrículas mineiras derivadas do permiso de investigación  de recursos da seccion C Alberta I, número 4966.1.1, nos concellos de Beariz e Avi.on (Ourense) e A Lama (Pontevedra).

PRIMEIRA:

 Os terreos onde se vai levar adiante a explotación mineira, son monte veciñal, xa que pertencen á comunidade de montes veciñais en man común  de Doade, no concello de Beariz. A veciñanza comuneira, titular destas terras comunitarias, en asemblea xeral acordou democraticamente rexeitar a explotación mineira. Nunha sociedade democrática debería ser suficente a decisión dos titulares das terras afectadas para que os proxectos se instalen ou non. Neste caso para  rexeitar o proxecto de explotación mineira que pretende instalar. E máxime cando os acordos dunha comunidade de montes non son decisións individuais, senon decisións colectivas. A aplicación dunha lei de xeito mecánico pode convertirse nunha inxustiza social.

SEGUNDA :

Comunidades de montes veciñais limítrofes e diversas asociacións de índole ambiental, social, cultural, afectadas directa ou indirectamente pola explotación mineira a instalar manifestaron tamén o seu rexeitamento. Parecería lóxico que a administración pública, competente para conceder ou non a autorización  da explotación mineira, tivese en conta, de xeito preminente, a opinión de todos estes colectivos, xa que representan a opinión da veciñanza, que directa ou indirectamente veranse afectados negativamente pola instalación da explotación mineira.

TERCEIRA:

O proxecto de explotación mineira referenciada carece dun plan para o tratamento das augas en contacto coa explotación, de tal feito  que estas augas residuais  con substancias  tóxicas e nocivas inxetaranse nos afluintes e nos ríos da zona. Debido  a cantidade de auga que precisa captar (25.750 litros/hora de augas soterradas) afectaran con toda posibilidade ás captacións de auga potabel da que se sirven as poboacións do lugar. A auga é un elemento vital para a vida, para a vida das persoas tamén. Ademais, o proxecto non avalia  adecuadamente o impacto da mina sobre o ecosistema da Serra de O Suído, Serra de O Cando e Serra de O Candán, incluindo a afección a Rede Natura 2000 e a conectividade entre espazos. Varios  espazos próximos formaban parte da proposta de ampliación da Rede Natura 2000 formulada en 2008 e que a Xunta de Galiza non implementou a pesar da obrigatoriedade derivada da lexislación eurpoea. Todas estas cuestións parecen razóns suficentes para non conceder o permiso da explotación mineira.

CUARTA:

Na documentación enviada polo promotor da empresa para esta explotación mineira, non se acompaña ningún estudo sobre a perda das actividades no sector primario e os postos de traballo que se perderán nas diversas actividades afectadas deste sector. Basearse só nos postos de traballo que xeraría a actividade industrial que solita permiso de explotación é, cando menos, incompleto e parcial. A falla deste estudo debería ser razón suficente para que non se inciase  o proceso para a autorización de explotación mineira, mentres a empresa promotora non aportase este estudo .

QUINTA:

O monte veciñal é un ecosistema. Enténdese como servizos ecosistémicos como os beneficios que un ecosistema aporta á sociedade e que melloran a saúde, economia e calidade de vida das persoas. A groso modo, pódense agrupar en catro bloques: Servizos de aprovisionamentos e bens materiais (madeira, alimentos, auga…), servizos  de regulamentación , que teñen  a función clave de reducir os impacto globais e locais (regulación do ciclo da auga, defensa da biodiversidade, control da erosión do solo…), servizos culturais asociados ao tempo libre e ás diversas manifestacións culturais (deporte o ar libre, restos arqueolóxicos, difrute da paisaxe…), e servizos de soporte que aseguran e garanten que se manteñan os servizos anteriores. Os montes veciñais, polas súas carácteristicas de titularidade xermánica, son terras abertas e os servizos ecosistémicos que prestan teñen carácter universal.

A explotación mineira que se pretende abrir vai ter lugar na superfice do monte veciñal da comunidade de montes de Doade e dado que a explotación será a ceo aberto, vai eliminar todos estes servizos ecosistémicos para sempre. Non parece razonable que se sacrifiquen un bens, que son comúns, por un interés particular a favor da empresa promotora da explotación mineira. Estes argumentos son máis que suficentes para que non se conceda o permiso para esta explotación mineira.

SOLICÍTASE:

1-Que se teña por formuladas as presentes achegas e, atendendoas, se resolva denegar a execución do proxecto.

2-Que se lle recoñeza a esta parte a súa condición de interesado no expedente de referencia, comunicandolle os trámites e dandolle audiencia dos actos sucesivos.

3-Que se lle proporcione acceso ao expedente referido.

Publicado el

ACHEGAS Á ESTRATEXIA PARA O FOMENTO DA XESTIÓN ACTIVA DAS MASAS FRONDOSAS

ACHEGAS Á ESTRATEXIA PARA O FOMENTO DA XESTIÓN ACTIVA DAS MASAS FRONDOSAS

Primeira: Ao punto 1-Antecedentes.

No parrafago 5º eliminar “Esbozar un plan de fomento do cultivo do chopo en Galicia”.

Argumentación: O chopo non é unha frondosa autóctona.

Segunda. Ao punto 1.2.Formacións arbóreas  e habitats de bosque.

Neste apartado descríbese as diversas formacións  de frondosas que hai no territorio Rede Natura e que moita superficie de este territorio e monte veciñal en man común. Tal e como está oxe a normativa a inclusión dos montes veciñais en man común da Rede Natura faise sen contar coa opinión das comunidades de montes afectadas, dándose de facto unha usurpación de estas terras. Prodúcese tamén unha usurpación da xestión de estas terras xa que quen ten a capacidade de decisión está nos órganos de goberno e de xestión de esta figura de protección na que non participan os titulares dos montes veciñais.

A estratexia para a xestión activa das masas de frondosas deben contemplar que as comunidades de montes, titulares dos montes veciñais en man común ,formen parte do órganos de dirección, planificación e xestión do terrritorio Rede Natura. tal e como o forman a administración pública galega, as organizacións medioambientais e outros.

Argumentación: Ninguén cuestiona  a Rede Natura. É mais, débese potenciar, xa que é un elemento máis na defensa do medio ambiente. Mais isto non pode signficar que os titulares das terras que forman parte do territorio Rede Natura queden ao marxe. Máxime cando o que pretende esta estratexia e a xestión activa (é decir dinámica) das masas de frondosas .

Cuarta.

Engadir un Eixo V co titulo “Valoración e cuantificación  dos servizos do ecosistema  que cumplen as terras incluidas na Rede Natura“.

Argumentación: Enténdense por servizos do ecosistema como aqueles beneficios que un ecosistema aporta a sociedade e que milloran a saúde, a economía e a calidade de vida das persoas. De xeito xenérico agrúpanse en catro bloques: Servizos de aprovisionamento de bens e materias primas (madeira ,auga ,alimentos, …). Servizos de regulación que teñen como función clave a redución dos impactos globais e locais (regulación do clima, do ciclo das augas, control da erosión, …). Servizos culturais asociados o tempo de lecer (restos patrimoniais, practicas deportivas, disfrute do lecer, …). Servizos de soporte a biodiversidade e os procesos naturais que garanten boa parte dos anteriores. Semella que non cabe ningunha dúbida que moitos de estes servizos prestaos as comunidades de montes veciñais en man común. Mais tampouco cabe ningunha dúbida de que estes servizos do ecosistema aportados polas comunidades de montes non están recoñocidos e moito menos valorados e cuantificados.

Parece de recibo que a Administración Pública Galega  valore e cuantifique estes servizos ecosistemicos que prestan as comunidades de montes en beneficio de toda a sociedade. Para logo se poideran determinar as medidas compensatorias para os titulares dos montes veciñais en man común.

Quinta. Ao punto 2.5.Superficie de frondosas autóctonas incluída na Rede Natura.

Neste apartado a estratexia  fala de que no territorio Rede Natura hai unha zona na que se prioriza  a evolución  natural ,a conservación da estrutura do bosque  e conservación da biodiversidade. E que hai outras zonas mais antropizadas ,nas que poden realizar tratamentos silvicolas. Os dous prantexamentos significan limitacións para os titulares dos montes veciñais. No primeiro dos casos ,hipotecas de uso. No segundo dos casos dificultade para facer os traballos e mesmo encarecemento dos mesmos.

A estratexia para a xestión activa das masas de frondosas tería que contemplar:

1-Para a primeira das situacións, medidas compensatoria por esa hipoteca de uso das súas terras, medidas que teñen que ser de carácter finalista, xa que logo teñen que ser investidas en plantación con frondosas autóctonas e camiñar cara o logro de un monte veciñal multifuncional e sustentabel.

No caso de que todo o monte veciñal estivese nesta zona de Rede Natura ou o monte veciñal estivese en zona de alta montana ou zona despoboadas, as medidas compensatorias, serian pagos directos. No primeiro dos casos para que a comunidade de montes respectiva poídese adquirir terras o millorar a calidade de vida mediante a execución de obras de carácter social e comunitario .No segundo dos casos para fixar populación no medio.

2-Para a segunda das situacións deberíase elaborar un catálogo de como se deberían levar adiante os traballos silvicolas e as cortas e sacas de madeira ,que non fosen lesivos para o territorio. Ademais de que todo o tipo da axudas que poideran acollerse estas comunidades de montes tivesen subvencións do 100%.

Argumentación: Se a todos e a todas asumimos que en aras do beneficio da sociedade no seu conxunto ,hai terras que teñen que ter seus usos hipotecados ,parece que todos e todas asumamos que esta terras teñan que ter un retorno compensatorio.

Sexta: Ao punto 2.7-Diagnostico  preliminar.

Esta estratexia nos  factores dinamizadores,di que as masas de frondosas contribúen entre outras cuestións a fixación do C02, para a defensa do medio ambiente .Sen embargo ,oxe en día .a compensación dos titulares das masas boscosas pola captura que fan estas do CO2, mediante a emisión de bonos de capatura e, no mellor dos casos, incompleta. Incompleta porque nesta emisión de bonos de captura do CO2, só capturan este gas nocivo ,as especies forestais plantadas logo de un lume producido dende o ano 2013 ou no que se dera un cambio de uso da terra. Ademais ,o criterio para calcular a captura do C02 das masas boscosas ,situase no medre da madeira. Nesta situación as frondosas están en inferioridade de condicións .

A estratexia  para a xestión activa das frondosas, no que foi respecto a captura do CO2 debería contemplar:

-Todas as especies arboreas plantadas de forma que foxe e mesmo as ventureiras ,capturan CO2.

-O criterio de captura do CO2 das frondosas ,non pode baserse no medre da madeira .Hai que valorar as función sociais ,medioambientais e de loita contra o lume que cumplen estas especies forestais .

-A captura de CO2 das especies arbóreas non pode rematar no momento no que se tala a mesma. Débese ter en conta o destino final da mesma.

Argumentación: A captura do C02 das masas boscosas non se debería basearse somentes en criterios economicistas. Deberianse ter en conta criterios diversos.

Septima. Ao punto 3-Obxetivos da estratexia para o fomento da xestión activa das masas de frondosas .

-Engadir un punto,no parrafago que escomenza con “Adiccionalment….” con seguinte texto: ”Medidas compensatorias para os titulares das terras.”

Argumentación: Parece lóxico que os titulares das terras teñen unha participación activa na estratexia para a xestión activa das masas de frondosas.

Octava:-Ao punto 4-Diseño estratéxico: Eixos e propostas de actuación.

-Engadir un eixo 6 co titulo “Medidas compensatorias para os titulares das terras “ con dúas Medidas: 1-Medidas compensatorias para os titulares das terrras. 2-Protocolo para levar adiante os traballos no territorio Rede Natura.

Argumentación: As mesmas expresadas para a achega quinta .

Novena -Ao punto Eixe 3. Compromisos forestais de xestión .

Neste punto , a estratexia fala de que os montes recreativos e periurbanos poidan adherirse  voluntariamente no marco da rede galega de infraestruturas verdes ,así como tamén fala de compromiso voluntario de xestión con certificación de servizos ecosistémicos.

Esta estratexía deberia complementarse :

-No primeiro dos casos,incluindo medidas compensatorias para os titulares dos montes que se inclúan dentro de esa rede de infraestruturas verdes e seguridade de que dos percances que poidan no disfrute de estas infraestruturas verdes, non recaian responsabilidades civís e penaís para os titulares do montes .Ademais de que as comunidades de montes teñen que participar nos órganos de planificación e decisións da rede de infraestruturas verdes.

-No segundo dos casos ,dado que estes certificados son dados por entidades terceiras ,esta estratexia  tería que contemplar a validación de seus criterios pola administración pública galega ,así como o prantexamento  de medidas compensatorias para os titulares dos montes.

Argumentación: A defensa do medio ambiente  e cuestión de todos e de todas .Xa que logo hai que compensar os que contribúen a defensa do medio ambiente.

 

Publicado el

Denuncian o intento de perpetuar a usurpación franquista dos montes veciñais.

 

  • A Organización Galega de Comunidades de Montes  denuncia a manipulación da recén creada plataforma de supostos afectados polas comunidades de montes.
  • A ORGACCMM sinala que detrás desta plataforma está o interese espurio dalguns empresarios por perpetuar a usurpación franquista do monte veciñal.

A Organización Galega de Comunidades de Montes denuncia que recentemente anunciouse a constitución dunha plataforma que, cunha manipulación torticera, autodenominase afectados polas comunidades de montes .Esta plataforma está conformada por particulares e empresarios dos concellos de Vigo e de Mos. Os cales indican que o motivo para súa constitución é o sentirse  nunha inseguridade xurídica .

A ORGACCMM sinala que alegan inseguridade xurídica a sabendas de que están ocupando unhas terras, ben en réxime de cesión ou en réxime de propiedade, que non son súas senon de titularidade dos montes veciñais en man común, cuxa propiedad de lexitima pertence às comunidades de montes.

Unhas terras que lle foron cedidas ou vendidas polos respectivos concellos cando estes non eran titulares lexitimos destas terras, senon  que eran os beneficiarios da usurpación dos montes veciñais levada adiante pola ditadura franquista. E estes empresarios, para perpetuar esta ilegalidade, exisenlle á Xunta de Galiza que acometa unha nova usurpación dos montes veciñais que beneficie os seus intereses particulares.

Para a Organización Galega, n o caso do empresariado, chove sobre mollado. Esta clase social leva moito tempo tentando que se privaticen os montes veciñais para acaparalos a prezo de saldo .Esta clase social cando decide montar unha empresa ten que valorar se ten terreos para asentala .E se non os posúe ,ten que negociar cos titulares das terras para conseguilos .A clase empresarial, tan defensora da que chaman sacrasanta propiedade privada, desprezan a propiedade veciñal. A desprezan por que queren restarlle a lexitimidade para  pusuila eles.

«Se os terreos onde se asentan alegalmente as súas empresas fosen de propiedade privada, esixirianlle a Xunta de Galiza a usurpación dos mesmos? .Seguro que non«, denota Xose A. Pereira, presidente da Organización Galega de Comunidades de Montes.

Cuestión algo distinta é, para ORGACCMM,  o caso dos particulares que veñen ocupando montes veciñais en réxime de propiedade, superficies adquiridas tamén de xeito alegal, xa que quen llas cedeu ou vendou foi un concello que non era titular das mesmas senon que era o beneficiario da usurpación franquista e ilegal dos montes veciñais.

«Xa que se sínten afectados pola inseguridade xurídica que alegan, os culpables non somos as comunidades de montes, senon os concellos. Polo tanto as súas reclamacións de danos e perxuizos deben dirixilas a estas administracións, non contra nós, os lexitimos propietarios», subliñan desde a ORGACCMM.

Para a Organización Galega de Comunidades de Montes as verdadeiras afectadas por esta situación que prantexa esta plataforma de afectados son as propias comunidades de montes. Unhas comunidades de montes galegas que por mor da usurpación franquista dos montes veciñais non poderon dispor durante moitos anos dunhas terras que lles pertenecen dende tempos inmemoriais.

A Organización Galega de Comunidades de Montes rexeita plenamente este novo intento dunha  nova usurpación dos montes veciñais en man común que pretende a chamada plataforma de supostos afectados polas comunidades de montes.

Ao mesmo tempo, a ORGACCMM reclama que a lei de montes veciñais en man común, no que fai respecto a usurpación dos montes veciñais, recolla o contido da proposta para unha nova lei de montes veciñais contemplada na Iniciativa Lexislativa Popular, presentada pola propia ORGACCMM e que foi avalada por 12.010 sinatura. Segundo a cal deben declararse nulos de pleno dereito todos os actos e negocios xurídicos levados adiante polos concellos no tempo que durou a usurpación franquista dos montes veciñais.

Publicado el

Súmate á ILP en defensa do monte comunal

  • As comunidades de montes piden o apoio da cidadanía galega para acadar unha lei que protexa os montes comunais galegos do expolio da industria madeireira. 
  • Poden asinar en apoio da ILP  todas as persoas que teñen dereito a votar en calqueira das elección que se celebran na Galiza.

ONDE SE PODE ASINAR:

  • Baixomiño (Violeta 678140986)
  • Val Miñor (Latino 636054910)
  • Vigo(Gregorio 675574344)
  • Morrazo (Manolo 670355673)
  • Pontevedra e comarca (Ivan 665230867)
  • O Salnés (Roberto 661540081)
  • Vilagarcia e comarca (Ramón 680560310)
  • Barbanza (Geni 654468794)

A Organización galega de Comunidades de Montes denuncia que a Consellería de Medio Rural pretende, mediante os cambios lexislativos promovidos polo Partido Popular, que empresas de diverso índole (forestais, madeireiras, eólicas, mineiras…) poidan facerse coa xestión de montes veciñais e comunais.

A Iniciativa Lexislativa Popular presentada pola ORGACCMM tenta frear este latrocinio dos montes veciñais. Neste senso, un dos puntos principais da ILP é reforzar o carácter xermánico da titularidade veciñal, considerando a veciñanza como único requisito para ter a condición de veciño/a comuneiro/a.

Tamén buscan que se recoñeza o monte veciñal como unha titularidade distinta, pero en pé de igualdade coas titularidades públicas e privadas. Outra reivindicación que recolle a iniciativa lexislativa é a declaración dos montes veciñais como unha figura de protección medio ambiental e cultural en si mesma.

A Organización Galega de Comunidades de Montes quere un monte comunal multifuncional e sustentabel ao servizo da veciñanza comuneira e da sociedade galega no seu conxunto.

ONDE SE PODE ASINAR:

  • Baixomiño (Violeta 678140986)
  • Val Miñor (Latino 636054910)
  • Vigo(Gregorio 675574344)
  • Morrazo (Manolo 670355673)
  • Pontevedra e comarca (Ivan 665230867)
  • O Salnés (Roberto 661540081)
  • Vilagarcia e comarca (Ramón 680560310)
  • Barbanza (Geni 654468794)
Publicado el

En marcha a recollida de sinaturas por unha lei que protexa o monte comunal

  • As comunidades de montes galegas integradas na Organización Galega de Comunidades de Montes comenzaron a recabar sinaturas para avalar a ILP rexistrada no Parlamento galego por esta organización. 
  • As comunidades de montes piden o apoio da cidadania para acadar unha lei que protexa os montes comunais galegos do expolio da industria madeireira. 
  • Poderan asinar en apoio da ILP  todas as persoas que teñen dereito a votar en calqueira das elección que se celebran na Galiza.

A Organización galega de Comunidades de Montes denuncia que a Consellería de Medio Rural pretende, mediante os cambios lexislativos promovidos polo Partido Popular, que empresas de diverso índole (forestais, madeireiras, eólicas, mineiras…) poidan facerse coa xestión de montes veciñais e comunais.

A Iniciativa Lexislativa Popular presentada pola ORGACCMM tenta frear este latrocinio dos montes veciñais. Neste senso, un dos puntos principais da ILP é reforzar o carácter xermánico da titularidade veciñal, considerando a veciñanza como único requisito para ter a condición de veciño/a comuneiro/a.

Tamén buscan que se recoñeza o monte veciñal como unha titularidade distinta, pero en pé de igualdade coas titularidades públicas e privadas. Outra reivindicación que recolle a iniciativa lexislativa é a declaración dos montes veciñais como unha figura de protección medio ambiental e cultural en si mesma.

A Organización Galega de Comunidades de Montes quere un monte comunal multifuncional e sustentabel ao servizo da veciñanza comuneira e da sociedade galega no seu conxunto.

Publicado el

A Consellería de Medio Rural pretende ilegalizar a Organización galega de comunidades de montes

    • A Organización galega de comunidades de montes (ORGACCMM) denuncia que a Consellería de Medio Rural pretende ilegalizar a súa organización e desarticular así a oposición ao plan do Partido Popular para entregar o monte comunal ás empresas madereiras.
    • Desde a ORGACCMM apuntan a unha represalia da Consellería polas reiteradas denuncias da súa organización ante as últimas reformas lexilativas levadas a cabo pola Xunta para permitir a confiscación e privatización do monte comunal.

A Organización Galega de Comunidades de Montes (ORGACCMM) constitúese, fai 23 anos no 1999, pola vontade de distintas comunidades de montes espalladas por Galicia de organizarse en crave de país. Dende aquela ate a actualidade sumáronse moitas comunidades a esta organización conformandoa como a principal voceira das comunidades de montes veciñais e en man común de Galicia.

Desde o inicio da súa singladura, a ORGACCMM sempre actuou tendo como principal obxetivo a protección dos montes veciñais e a defensa dos intereses da veciñanza comuneira contra os intereses capitalistas, especulativos e urbanísticos que pretenden apropiarse e explotar os montes veciñais os e as lexítimos/as titulares dos mesmos.

Recalcan que desde o mesmo momento da súa constitución a ORGACCMM cumpliu todas as normas esixidas, está recoñocida por outras consellerías da Xunta de Galicia como a entidade máis representativa das comunidades de montes e participa en distintos órganos consultivos do goberno autonómico. Porén a Consellería de Medio Rural négase agora a certificar a composición da xunta directiva da ORGACCMM argüindo que non a considera unha comunidade de montes e que ademais non ten dereito de representación das comunidades de montes que a conforman.

A ORGACCMM denuncia que ista negativa a emitir dito certificado é de facto unha ilegalización da súa asociación, xa que lles impide realizar calquera trámite administrativo xusto cando teñen presentado no parlamento unha Iniciativa Lexisltiva Popular para modificar a ley de montes. O presidente da  veciñanza Organización Galega de Comunidades de Montes, Xose A. Pereira, sinala que con máis motivo a veciñanza comuneira de Galicia ten que acadar que se aprobe a ILP presentada para a elaboración de unha lei que protexa os montes veciñais e manteña a súa condición de comunal para protexelos dos intereses económicos da industria forestal e madereira.

A ORGACCMM denuncia que ista negativa a emitir o certificado é de facto unha ilegalización da súa asociación, xa que lles impide realizar calquera trámite administrativo xusto cando teñen presentado no parlamento unha Iniciativa Lexisltiva Popular para modificar a ley de montes,

O presidente da  veciñanza Organización Galega de Comunidades de Montes, Xose A. Pereira sinala que con máis motivo a veciñanza comuneira ten que acadr que se aprobe a ILP presentada para a elaboración de unha lei que protexa os montes veciñais e manteña a súa condición de comunal para protexelos dos intereses económicos da industria forestal e madereira.

Publicado el

O parlamento galego acorda defender os montes veciñais nas zonas de dominio marítimo terrestre.

  • A deputada do BNG, María Albert, presentou, a instancias da Organización galega de comunidades de montes, onte no Parlamento Galego unha iniciativa lexislativa para que a Xunta de Galiza demande ao Goberno estatal o inicio dos trámites precisos para proceder a reformar a lei de Costas para que os montes veciñais en man común poidan existir legalmente dentro da zona de dominio marítimo-terrestre e do deslinde de costas.

A ORGACCMM resalta a importacia do acordo acadado no Parlamento Galego e que contou co respaldo de todas as forzas políticas con representación. Para as comunidades de montes é fundamental paralizar a confiscación dos montes veciñais en man común que se estaba producindo dende as axencias territoriais do Catastro. Ditas axencias estiveron informando ás comunidades de montes que os montes veciñais en man común ubicados dentro das zonas de dominio marítimo-terrestre deixaban de ser titularidades veciñais para pasar a ser titularidade do Estado español.

Pola contra a Orgaccmm lamenta que o Parlamento galego rexeitara a solicitude de modificación do código civil para que se recoñeza a propiedade comunal e se considere legalmente en igualdade coa titularidade publica ou privada. Esta outra iniciativa lexislativa, promovida pola Orgaccmm, foi presentada tamén pola deputada do BNG, Maria Albert. Pero foi rexeitada tanto polo Partido Popular e como polo Partido Socialista de Galicia.