Categoría: Comunicados

En recentes declaracións públicas, feitas polo Conselleiro do Medio Rural e máis polo Presidente da Xunta de Galiza, o Partido Popular ven de confirmar a súa intención de legalizar as usurpacións franquistas dos montes veciñais.

O Partido Popular posicionouse a prol da Plataforma Galega de afectados polas comunidades de montes, empresarios e particulares, que reclaman a
propiedade dunhas terras vendidas ou cedidas polos concellos, que non
eran titulares, senon usurpardores das mesmas.

Co fin de legalizar as usurpacións franquistas dos montes veciñais, tanto ao Conselleiro do Medio Rural como ao Presidente da Xunta de Galiza, non lles importa saltarse a lexislación vixente sobor os montes veciñais.

O primeiro criticando as sentenzas da Xustiza que fallan a favor das comunidades de montes  e obrigan a devolver o territorio usurpado á veciñanza. O segundo xustificando a usurpación co  argumento de que non é licito devolver estas terras ás comunidades de montes porque desde hai anos están empleados en outros usos distintos.

O Conselleiro do Medio Rural quere impedir a aplicación do carácter de titularidade xermánica dos montes veciñais, xa que a imprescritibilidade dos montes veciñais fai que a antiguedade da usurpación non sexa fundamento de dereito para protexer ao infractor e permitir a impunidade da usurpación..

O Presidente da Xunta de Galiza obvia a vixente lexislación de montes veciñais e un número importante de sentezas que confirman que, independentemente dos usos actuais, son montes veciñais en man comúns ,os que se demostren que foron usados e aproveitados pola veciñanza comuneira, non entendida como un ente administrativo, senon como grupo social.

A Consellaría do Medio Rural sabe moi ben que non se poderán
legalizar as usurpacións franquistas dos montes veciñais, mentres non se
elimine o carácter de titularidade xermánico dos montes veciñais. Por iso, que
no chamado Libro Blanco, sobre a reforma da regulación dos montes veciñais
en man común da comunidade autónoma galega, se contempla a
eliminación do carácter mediante a consideración de veciñanza comuneira
a persoas que non viven no lugar, aldea ou parroquia no que se asenta o monte
veciñal. Dotando as comunidades de montes de personalidade xurídica e
sacando da consideración de monte veciñal  a aqueles montes veciñais que, segundo o criterio da Consellería, non teñan aproveitamento forestal.

Un chamado Libro Blanco que comenza con unha mentira, xa que na
súa portada afirma que no mesmo recollense as achegas recibidas no proceso de participación pública do mes de Abril de 2022. Isto é mentira xa que o chamado Libro Blanco non recolle as achegas da Organización Galega de Comunidades de Montes.

Entre as aportacións da ORGACCMM, unha que solicitaba que a futura lexislación sobre os montes veciñais en man común contemplase a declaración de nulos de pleno dereito todos os actos e negocios xurídicos que
se levaron adiante nos montes veciñais.

Solicitude que está tamén recollida na proposta para unha lei de montes veciñas contemplada na Iniciativa Lexislativa Popular, presentada no
Parlamento Galego co aval de 12010 sinaturas da veciñanza comuneira e da
sociedade galega.

 

ACHEGAS DA ORGANIZACIÓN GALEGA DE COMUNIDADES DE MONTES(ORGACCMM), AO ANTEPROXECTO DA LEI DO CLIMA DE GALICIA.

Primeira- Ao punto primeiro do apartado IV da Exposición de motivos.

Eliminar o texto “ co obxetivo primordial de comprometer todas as futuras políticas do Goberno de Galicia  sexa cal sexa a súa cor política.”

Argumentación: Os procesos democráticos eleitorais conforman os parlamentos que son a representación de unha sociedade concreta. Cada grupo político representan sensibilidades parciais da sociedade. Sensibilidades que son diversas e as veces contraditorias. Non semella moi democrático que un goberno de unha cor política impoña a súa política nunha cuestión a futuros gobernos de outras cores políticas.

Segunda: Ao artigo 1-Obxeto.

-No punto b sustituir a palabra prioridade  polas palabras un eixo ou un  pilar

Argumentación; A palabra prioridade e demasiado drástica. Semella mais unha cuestión personal de que escribe o texto que unha cuestión politica. Eixo ou pilar son termos mais abertos a contemplar diversas prioridades.

-Engadir un punto d co seguinte texto: ”Medidas compensatorias para aqueles titulares das terras e entidades que contribúen a loita contra o cambio climático”.

Argumentación: Parece lóxico que unha lei do clima de Galicia defina como un dos seus obxetivos a definición das medidas compensatorias para quen contribúan a loita contra o cambio climático .

-Engadir un punto e co seguinte texto: Difundir  a importancia da xestión comunitaria dos recursos da terra .

Argumentación: Ao longo dos séculos, esta xestión comunitaria (montes veciñais, traídas de augas) permitíu que contemos cos espazos  naturais que hoxe existen.

Terceira: Ao artigo 2-Finalidades.

Sustituir o texto do punto o polo seguinte texto: Impulsar a gobernanza democrática climática  e participada polas organizacións ou asociacións existentes no territorio”.

Argumentación: Falar de gobernanza, sen indicar que esta ten que ser democrática e participativa, non e falar de democracia. E falar de  imposición.

-Engadir unha letra g ao punto 1 co seguinte texto: Implementación de medidas para a recollida de augas pluviais para uso domestico e industrial e axudas directas as traídas de augas para evitar fugas e unha mellor xestión das masas de augas.

Argumentación: E a forma de protexer este recurso mais importante e tan escaso no planeta.

Cuarta: Ao artigo 3-Principios reitores.

-Engadir no punto 1, unha letra  g co seguinte texto:Medidas compensatorias para os titulares das terras que contribúan a loita contra o cambio climático”

Argumentación: Se falamos de principios reitores, parece lóxico que para loitar contra o cambio climático, as medidas compensatorias para os que contribúen a loita contra o cambio climático, sexa un dos principios reitores.

-Engadir na letra a, do punto 2 o seguinte texto: diferenciando os entes que contaminan (empresas) e aqueles outros que contribúen a loita contra o cambio climático (titulares das masas boscosas).

Argumentación: Dado que estamos a falar de responsabilidade climática, é decir, de loita contra a contaminación atmosférica, parece claro que se debe de disinguir en quen  contamina  e quen contribúen a non contaminación .

Quinta: Ao artigo 5-Da ambición da neutralidade climática

Engadir un punto  3 co seguinte texto: Neste camiño e para o aproveitamento das enerxías renovabeis, permitir que as comunidades de montes  funcionen como comunidades enerxéticas locais.

Argumentación: As comunidades de montes veciñais en man común son en esencia persoas que xestionan un territorio e que ademais o xestionan de xeito democrático e asembleario. Permitir que as comunidades de montes veciñais en man común poidan actuar como comunidades enerxéticas locais no aproveitamento das enerxías renovabeís seria un paso importante na loita contra o cambio climático.

Sexta:Ao artigo 8-Suxeitos da acción climática .

Engadir unha letra k co seguinte texto: Comunidades de montes veciñais en man común e traídas de augas veciñais.

Argumentación: Que nunha lei do clima de Galicia, que ademais ten como obxetivo a loita contra o cambio climático non figuren as comunidades de montes veciñais en man común que son sociedade civil organizada e titulares de masas boscosas, somentes se pode entender se quen redactaron este anteproxecto dan por feito que as comunidades de montes non existen ou van deixar de existir.

Que unha lei do clima de Galiza non  contemple especificamente as traídas de augas veciñais, que é unha xestión comunitaria das augas e que ademais garante  unha auga de calidade, respectuosa co medio ambiente e descoñocer o territorio galego.

Septima: Ao artigo 23-O consello galego do clima.

Sustituir o texto do 4 polo seguinte paso: Na súa composición  estarán representadas  as organizacións, asociacións e entidades relacionadas co clima, especialmente as comunidades de montes e as traídas veciñais de augas.

Argumentación:  Non semella moi democrático, máis ben semella ser da filosofía política do nepotismo ilustrado, o priorizar unha das partes que deberían  formar parte de ese consello galego do clima. O se nomean todas de xeito concreto ou se nomean de xeito xeralista.

Oitava -Ao artigo 25-Alianza  galega polo clima.

-No punto  1 engadir o seguinte texto : e as organización representativas dos titulares das terras, espeficamente as comunidades de montes .

Argumentación: Non e de recibo que nunha alianza polo clima non estén representados os titulares das terras que son onde se aplicaran as políticas medioambientais  acordadas.

-No punto 2 engadir unha letra i co seguinte texto:Medidas compensatorias para os titulares das terras que contribúen a loita contra o cambio climático.

Argumentación: Se unha parte da sociedade contribúe para o benestar de toda a sociedade,  parece lóxico que toda a sociedade  compense a esa parte da sociedade.

-No punto  3  engadir unha letra g  co seguinte texto: Comunidades de montes veciñais en man común .

Argumentación.:En Galiza hai sobor 3000 comunidades de montes, compostas por máis de 150.000 veciños/as comuneiros/as e ocupan  ¼ do territorio galego (perto das 700.000 has). Que non aparezan como tales na lei do clima de Galiza non se pode comprender.

Novena -Ao artigo 44-Do rexistro da pegada de carbono.

-Engadir no punto 2 o seguinte texto: Este Rexistro entenderá que todas as especies forestais, independentemente de como foran plantadas e mesmo o rexenerado natural, capturan CO2, como tamén o fan a vexetación do solo. Ademais o criterio de capacidade de captura de CO2  no pode ser somentes basearse no medre da madeira, debéndose incluir cuestións como as funcións sociais ou medioambientais que cumplen algunhas especies forestais. O Rexistro Galego de pegada de carbono debe contemplar tamén que a captura do C02 das masas forestais non remata cando se tala, senón dependendo do seu destino final .

Argumentación: O Rexistro Galego da pegada de carbono non pode basearse na filosofía de “que pague pode seguir contaminando”, pola filosofía de “non contaminar”.

-No punto 3 engadir unha letra e co seguinte texto: Para a licitación da obra ou de servizo público en Galiza, as empresas que opten os mesmos terán que cando menos  o 50% da compensación  da emisión de gases de efecto invernadoiro de sumidoiros galegos.

Argumentación: É a mellor forma para cumplir o punto 6 do artigo 43-Descarbonización da economía deste anteproxecto de lei.

 

 

 

 

 

     

ACHEGAS DA ORGANIZACIÓN GALEGA DE COMUNIDADES DE MONTES(ORGACCMM) AO MODELO-TIPO DE ESTATUTOS PARA ENTIDADES SEN ANIMO DE LUCRO DE XESTIÓN FORESTAL CONXUNTA.

UNICA ACHEGA:-AO ARTIGO 7.REQUISITOS DAS PERSOAS OU ENTIDADES ASOCIADAS.

Engadir un punto a este artigo co seguinte texto:

As comunidades de montes veciñais en man común non poderán formar parte das entidades sen ánimo de lucro de xestión forestal conxunta.

Argumentacións da achega.

1-As comunidades de montes veciñais en man  común xa son en si mesmo unha agrupación de xestión conxunta.

2-Como é lóxico, o punto f do artigo 9 di que a condición de persoa ou entidade socia ,perderase por incumplir a obriga de aceptar o réxime de obras e melloras nas parcelas  cuxo uso forestal  teña atribuída a Asociación. Por outra banda, as obras e as melloras que teñen que facer as comunidades de montes nos seus montes veciñais  son as contempladas no seu plano de ordenación, que, ademais, son de obrigado cumplimento. Polo tanto o acordado pola Asociación pode solapar o ditado no plano de ordenación do monte veciñal. Isto levaría a un incumplimento do mesmo e xa que logo a que as comunidade de montes se expoñan  as correspondentes sancións.

3-Como tamén e lóxico, todas as persoas e entidades membros da Asociación teñen os mesmos dereitos ( artigo 11 -Dereitos e deberes das persoas e das entidades). Agora ben, non parece moi lóxico que se equipare un voto individual co voto do representante da comunidade de montes nos órganos da Asociación cando este representa a un número plural de veciños/as comuneiros/as. E, ademais, deberíase ter en conta que o representante da comunidade de montes non pode tomar as decisións libremente, ten que levar adiante o acordado na asemblea xeral da súa comunidade de montes. Isto siñificaría que antes da celebración das reunións dos órganos de goberno da Asociación ,terían que realizarse as asembleas das comunidades de montes membros da Asociación,  o que entorpecería a boa marcha da Asociación.

4-Como tamén e lóxico, o artigo 12-Obrigas dos socios e entidades, di que unha de estas obrigas e o cumplimento dos acordos dos órganos de goberno da Asociación. Pero a lexislación referente os montes veciñais indica que os acordos a levar nos seu monte veciñal teñen que ser tomados na asemblea xeral da comunidades de montes. Esta realidade traería como consecuencia unha chea de contradicións e xa que logo, conflitos  que o único que faría sería entorpecer a marcha da Asociación.

5-O artigo 38. Réxime das obras, melloras e  servidumes. di que para levar adiante estas cuestións. A asociación deberá contar con un instrumento de ordenación forestal ou de xestión forestal. E tamén di que as persoas e as entidades socias non poden opoñerse ao contido de este instrumento de xestión. Por outra banda hai que ter en conta que os montes veciñais, por lei , están obrigados a contar con un instrumento de xestión que ademaís, e de obrigado cumplimento. Fica claro que a participación das comunidades de montes nas entidades sen ánimo de lucro de xestión forestal conxunta, xeraría un niño de contradicións e incumplimentos que non sería bo , nin para as comunidades de montes ,nin para a Asociación.

ACHEGAS DA ORGANIZACIÓN GALEGA DE COMUNIDADES DE MONTES(ORGACCMM) ,AO MODELO-TIPO DE ESTATUTOS PARA ENTIDADES SEN ANIMO DE LUCRO DE REPRESENTACIÓN PARA A PLANIFICACIÓN OU COMERCIALIZACIÓN CONXUNTA .

ACHEGA ÚNICA AO ARTIGO 7-REQUISITOS DAS PERSOAS OU ENTIDADES ASOCIADAS.

Engadir un punto  a este artigo co seguinte texto:

As comunidades de montes veciñais en man común non poderán formar parte das Entidades sen ánimo de lucro de planificación ou comercialización conxunta.

Argumentacións da achega.

As mesmas que as expostas para a anterior achega .

 

A Consellaría do Medio Rural ven de facer público o borrador do libro blanco para unha nova regulación dos montes veciñais. O prazo para a presentación de achegas remata o dia 8 de Stembro de 2023.

Para defender os montes veciñais sería moi convinte que cada comunidade de montes presentase achegas a este borrador ou, no seu defecto, recoller e rexistrar as achegas que elaborara a xunta  reitora da ORGACCMM e que colgará nesta páxina unha semana antes de rematar o prazo de presentación.

LIBRO BRANCO SOBRE A REFORMA DA REGULACIÓN DOS MONTES VECIÑAIS EN MAN COMÚN (MVMC) DA COMUNIDADE AUTÓNOMA DE GALICIA

O enderezo para  a presentación das achegas: conselloforestalgalicia@xunta.gal

A Organización Galega de Comunidades  de montes veciñais en man común (ORGACCMM) acaba de presentar unha achega ao anteproxecto de lei de promoción de beneficios sociais e económicos dos proxectos que utilicen recursos naturais de Galiza. Nesta achega solicita o rexeitamento do anteproxecto e a devolución do mesmo a C onsellaría correspondente.

As argumentacións para tal rexeitamento son:

1)- Entende que os proxectos a instalar no rural galego van eliminar os servizos ecosistémicos que prestan estes territorios, ao servizo de toda a sociedade. E no canto de priorizar estes servizos ecosistémicos, prioriza o proxecto a instalar e sabedor que eliminará servizos, prantexa compensacións non definidas nin concretas.

2)— Despreza a existencia  das traídas de augas veciñais, que e o xeito tradicional de prover de este servizo as populación do medio rural  e que ademais son garantía de unha auga de calidade e respectuosa co medio ambiente. E mesmamente, no caso  das renovacións da concesións, priman os intereses dos proxectos a instalar por riba non só das traídas de augas veciñais ,senón tamén dos acuíferos para uso domestico e agrogandeiro.

3)- A Consellaría do Medio Rural vai participar en sociedades mercantís privadas  para acadar os obxetivos  marcados por este anteproxecto de lei. Vaise a convertir no avalista para a entrada da explotación capitalista nun territorio galego onde predomina a explotación agraria familiar  e o aproveitamento comunitario a través das comunidades de montes.

4)- Prantexa que as comunidades de montes poidan formar parte dunhas entidades mercantís chamadas sociedades participadas, a sabendas que a día de hoxe, dado o carácter xermánico dos montes veciñais, esta participación e imposibel. Este anteproxecto de lei  é adiantar o intento da Consellería do Medio Rural de convertir os montes veciñais en titularidades totalmente privadas eliminando o seu carácter xermánico e dotando de personalidade xurídica as comunidades de montes para que poidan entrar o capital nestas figuras de xestión comunitaria.

5)- Crea unha nova tipoloxía de lume: o lume de incidencia singular. Cando un lume e así declarado, a comunidade de montes que padeceu o lume perde toda a capacidade de decidir como por en valor o seu monte veciñal e mesmo a de opìnar como debería ser esta posta en valor. Xa que logo, este anteproxecto de lei o que realmente fai e expropiarlle a xestión á veciñanza comuneira, daqueles montes veciñais que tiveran a desgracia de padecer un lume e que esta seña cualificado como de incidencia singular.

6)- Se ben o anteproxecto desta lei fai unha aposta polo desenvolvemento da enerxías renovabeis, non contempla que as comunidades de montes veciñais poidan actuar como comunidades enerxéticas locais para o desenvolvemento das enerxías renovabeis. Deste xeito estase impedindo que o desenvolvemento das enerxías renovabeis  favoreza ás poblacións .

7)- Na captura do C02, que levan adiante as masas arbores,somentes contempla a comercialización para que as empresas que contaminen poidan seguir contaminando. Debería contemplar tamén que a Administración Pública Galega levase adiante un estudo para cuantificar o valor de esta captura do CO2. E unha vez feita esta cuantificación, buscar formulas compensatorio de retorno os titulares dos montes e a poboación do medio rural.

ACHEGAS AO ANTEPROXECTO DE LEI DE PROMOCIÓN DOS
BENEFICIOS SOCIAIS E ECONÓMICOS DOS PROXECTOS QUE UTILIZAN
RECURSOS NATURAIS DE GALICIA 

UNICA:

Retirada de este anteproxecto de lei e devolución a concellería
correspondente en base as seguintes.

ARGUMENTACIONS:

1)-O artigo 11 de este anteproxecto fala dos efectos sobre os servizos
ecosistémicos. É decir, recoñece que as instalacións industriais a situar no
territorio van ter efectos negativos sobre os servizos ecosistémicos que prestan territorio. E xa que logo, dándolle prioridade absoluta aos proxectos
industriais, prantexa certas compensacións polos efectos negativos sobre os
servizos ecosistémicos.

Entendese por servizos ecosistémicos os que presta un ecosistema á
sociedade e que melloran a saúde, a economía e a calidade de vida das
persoas. Son servizos que actúan en beneficio de toda a sociedade. Parecería
lóxico que na cuestión dos servizos ecosistémicos o que deberían facer as
distintas consellerías competentes na materia seria cuantificar o valor
económico que prestan á sociedade os servizos ecosistémicos que se xeran
nos territorios. E con estes datos compensar aos titulares de esas terras que
xeran estes servizos ecosistémicos para beneficio da sociedade no seu
conxunto.

2)-No capitulo I do Titulo Segundo, este anteproxecto de lei fala de a
participación en sociedades que teñan obxetivos compatibeis cos previstos
nesta lei. Así, prantexase a participación da Xunta de Galicia en sociedades
mercantís privadas. A Xunta de Galicia vaise converter no avalista da entrada
da explotación capitalista nun territorio no que predomina a explotación familiar agraria e a posta en valor dos recursos de xeito comunitario a traveso das comunidades de montes veciñais en man común. Deste xeito ,a destrución
dos servizos ecosistémicos será un feito. Este anteproxecto de lei di que as comunidades de montes poidan formar parte das chamadas sociedades participadas, se ben tapan as comunidades de montes co eufemismo “comunidades locais”. No rural galego estas comunidades locais teñen nome :son as comunidades de montes .

A dia de hoxe, dado o carácter xermánico dos montes veciñais, as
comunidades de montes non teñen personalidade xurídica polo que lnon
poderían formar parte das chamadas sociedades participadas, a non ser que
os redactores/as deste anteproxecto xa teñan información fehacente que a
modificación da lei de montes veciñais que pretende a Consellería do Medio
Rural : Eliminar o carácter xermánico dos montes veciñais en man común e
dotar as comunidades de montes de personalidade xurídica para convertilas
en meras sociedades mercantís.

Polo tanto, este anteproxecto de lei avala a eliminación dos montes
veciñais en man común como titularidades de carácter xermánico para
convertilas en titularidades privadas. Este anteproxecto de lei debería deixar
claro que as comunidades de montes non poderían participar nas sociedades
participadas.

3)-No artigo 46- O fondo de recuperación do territorio afectado por incendios
forestais de singular incidencia crease unha novo tipo do incendios, ”os
incendios de singular incidencia» . En base a este novo tipo de lumes, crease un fondo para a recuperación das terras queimadas, permitindo a entrada de
aportacións do sector privado. É decir, que permite a entrada de capital nunhas terras que están xestionadas democraticamente pola veciñanza comuneira.

Nos incendios que a Consellería defina como de singular incidencia  as
accións de recuperación a levar adiante serán de exclusiva competencia da
Consellería do Medio Rural, Osexa, usúrpalle directamente as comunidades de
montes a xestión dos seus montes veciñais. Máis, non somentes usurparlle a xestión dos montes veciñais a veciñanza comuneira, Mesmo impídelle que esta manifesten a súa opinión en como restaurar as súas terras queimadas.

No artigo 49 de este anteproxecto de leicrease a chamada comisión de seguimento do fondo de recuperación do territorio afectado por un incendio forestal de incidencia singular .Esta comisión está conformada pola Consellería do Medio Rura , polo sector privado que fixera achegas económicas a este fondo e asociacións forestais . As comunidades de montes ,titulares das terras, que lamentabelmente padeceron un lume, non están representadas nesta comisión. Non semella moi democrático.

4)-No artigo 54 refirese a xestión das enerxías renovabeis destinadas ao
autoconsumo nas areas empresariais. Se os redactores/as deste
anteproxecto créeran de verdade  que o desenvolvemento das enerxías
renovabeis favorecería a loita contra o cambio climático e abarataría os custes
enerxéticos para as poboacións non o centraría somentes como un negocio
empresarial, senón que tamén prantexaría que as comunidades de montes
poidesen actuar como comunidades enerxéticas locais para o desenvolvemento das enerxías renovabeis.

Imaxinemos que somentes un 10% das comunidades de montes que
existen en Galicia acordasen actuar como comunidades enerxéticas
locais. Pois siñificaría que, nun curto período de tempo ,constituirianse en
Galicia 300 comunidades enerxéticas locais. O desenvolvemento das enerxías
renovabeis en Galicia, sería considerabel .

5)-No artigo 57 este anteproxecto prantexa a creación de un sistema voluntario de créditos de carbono da Xunta de Galicia .Mais faino seguindo
mimeticamente o xa existente no Ministerio de Transición Ecológica y Reto
Demográfico do goberno central. E xa que logo, mantendo criterios errados
para o territorio galego como son : que so capturan CO2 as masas plantadas
logo de un lume ou nun cambio de uso da terra e que o calculo de esta captura
so está baseado no medre da madeira.

Este anteproxecto debería contemplar que todas as masas boscosas
capturan C02 de calqueira forma que sexan plantadas .Que tamén capturan
C02 a vexetación do chán .Ao mesmo tempo ,tamén debería contemplar que o
calculo da captura do C02 non pode basearse somentes no medre da madeira
senón que tamén contemplar cuestións medioambientais e socias ..Así como
ter en conta o destino final da madeira ,xa que non pode ser o mesmo que esta
teña como destino a queima como que teña como destino a transformación enmobles, na que sigue capturando C02.

Mesmo admitindo que unha parte da captura do CO2 que levan adiante as
masas boscosas se “negocie” mediante a comercialización ,este anteproxecto debería contemplar a obriga da administración galega de cuantificar
economicamente a captura do C02 que levan adiante as masas boscosas do
territorio galego. E unha vez feita esta cuantificación, buscar formas
compensatorias de retorno os titulares dos montes e a poboación do medio
rural  Sería,  ademais de feito de xustiza, unha forma de fixar populación no
medio rural.

•  A Organización Galega de Comunidades de Montes denuncia que a Consellería do Medio Rural sostén no seu anteproxecto da lei de loita integral contra os incendios forestais, que as Comunidades de Montes podan ser sancionadas cando se produza un lume nas súas terras, aínda que o lume sexa provocado por terceiros. 
• A ORGACCMM sinala que ademais en dito anteproxeto se contempla a prohibición de emitir opinións acerca da problemática dos lumes, impoñendo sancións para aquelas persoas que se atrevan sinxelamente a exercitar  o dereito da liberdade de expresión.

A Consellería do Medio Rural ten en período de consulta pública ao anteproxecto da lei de loita integral contra os incendios forestais.  Segundo poido comprobar a Organización Galega de Comunidades de Montes, neste anteproxecto a Consellería do Medio Rural entende que os lumes no territorio galego son un problema somentes de orde público ao que se deben aplicar solucións unicamente policiais.

Sinalan que no anteproxecto non se recoñoce que a problemática dos lumes do territorio teñen causas estruturais como omonocultivo forestal con especies de crecemento  rápido, a desordenación das masas boscosas ou o abandono do rural  despoboación, entre outras. O documento presentado pola Consellería do Medio Rural non precolle a necesidade de camiñar cara a unha política de montes  que posibilite un monte veciñal multifuncional e sustentabel, que e a ferramenta máis eficaz contra os lumes, como está de sobra demostrado.

Pola contra, denuncian, que neste anteproxecto de lei de loita integral contra os lumes forestais, a Consellería do Medio Rural pretende impedir que os titulares dos montes veciñais sexan os protagonistas da posta en valor das súas terras. Pretenden lexislar para sacarlles os seus dereitos, cargalos de obrigacións, e mesmo culpaloos  e sancionalos cando se produza un lume nas súas terras, aínda que a culpabilidade do orixe do lume sexa de terceiros.

A Consellería do Medio Rural intenta que a lei que se derivará do anteproxecto de loita integral contra os lumes forestais se leve adiante impoñendo o silencio. Así ,contempla a creación dun Consello Consultivo conformado por 19 persoas, das cales 15 son representantes de diversas administracións e so 4 persoas representando aos titulares dos montes e ás organizacións relacionadas co medio rural.

Ademais de todo isto , alertan desde a ORGACCMM que para a Consellería este silencio non e suficiente, xa que tamén prentende a prohibición de emitir opinións acerca da problemática dos lumes , contemplando incluso sancións para aquelas persoas que se atrevan sinxelamente a exercitar  o dereito universal da liberdade de opinión e expresión.

A Organización Galega de comunidades de montes veciñais en man común ven de presentar achegas ao anteproxecto de lei de loita integral contra os lumes. As liñas fundamentais de estas achegas son:

• Deseñar unha política de montes inxertada nunha ordenación do territorio e nunha ordenación do uso das terras. Na que se valore os servizos ecosistémicos que prestan os montes veciñais en beneficio de toda a sociedade.
• Entender que a loita máis eficaz contra os lumes do territorio e o acadar un monte multifuncional e sustentabel. Neste camiño e necesaria a  apertura de unha liña de axudas para as comunidades de montes que permitan a valoración integral do monte e a aposta pola súa multifuncionalidade .
• Informar aos titulares nos que as súas terras padeceron un lume do dispositivo empregado na loita contra o lume. Así como a participación das comunidades de montes en todos os órganos consultivos e de planificación da loita contra os lumes, dende o Consello Forestal de Galiza ate os consellos forestais de distrito.
• Eliminar do texto do anteproxecto de lei  de loita integral contra os lumes todos os artigos que contemplen prantexamentos autoritarios e de libre interpretación pola Consellaría do Medio Rural.

APOIO A MANIFESTACIÓN QUE TERÁ LUGAR O DIA 23 DE ABRIL DE 2023 ,CONVOCADA POLA PLATAFORMA EOLICOS ASI NON.

• A Organización Galega de Comunidades de Montes (ORGACCMM) manifesta o seu apoio a manifestación que convocada pola plataforma Eólicos Así Non, terá lugar o domingo 23 de Abril as 12 horas en Compostela, diante dos edificios administrativos da Xunta de Galiza (San Caetano) .

A manifestación, que rodeará os edificios administrativos da Xunta de Galiza, esixira o remate do expolio do territorio galego  ao servizo das multinacionais enerxéticas que acarrexa o actual modelo de desenvolvemento da enerxía eólica.

Reclamase que non  se autorice ningún proxecto macroeólico  máis mentras  non haxa unha planificación eólica diseñada por e para o pobo, pública  e ordenada. Que se restitúan  os dereitos de participación pública nos procesos de autorización. Que se derogen as chamadas leixes depedradoras (lei de fomento de economía e de simplificación administrativa) e se contemplen as garantias medioambientais precisas.

A ORGACCMM fai un chamamento ás comunidades de montes para que asistan a esta manifestación que, convocada pola plataforma Eólicos Así Non, terá lugar en Compostela o domingo 23 de Abril de 2023.