Montes veciñais con consorcio ou con convenio.
A lei de acompañamentos os orzamentos xerais da Xunta de Galiza para ano 2026, ven de prolongar ate o 31 de Decembro de 2027 o tempo para que as comunidades de montes que teñan os seus montes veciñais con consorcio ou con convenio, se queren recuperar a xestión dos mesmos , teñan que pagar as falsas e inxustas débedas que acarrexan. Dende a ORGACCMM fumos quen de conseguir que moitos montes veciñais, nesta situación, fosen recuperados pola veciñanza comuneira sen ter que pagar as falsas e inxustas débedas. Agora temos dous anos máis para conseguir o mesmo naquelas comunidades de montes que aínda teñan os seus montes veciñais consorciados ou conveniados .
Imposto de bens inmobeis (IBI) e montes veciñais .
Tanto a lei de montes veciñais vixente como na, tamén vixente, lei de montes de Galicia dictan claramente que os montes veciñais non están suxeitos a ningunha contribución de base territorial. E a lei reguladora das Facendas Locais di de forma taxativa que os montes veciñais están exentos do pago do Imposto de bens inmobeis (IBI).
Xa que logo fica claro que as comunidades de montes non teñen porque pagar este imposto por calquera instalación situada nos montes veciñais. Podería haber algunha no caso daquelas intalacións industriais que xeran negocio. Máis esta dúbida queda disipada cas dúas últimas setenzas do Tribunal Superior que dita que “independentemente do tipo de instalación situado no monte veciñal, este está exento do pago do do Imposto de ben Inmobeis (IBI)».
Mais a pesar desta lexislación e desta xurisprudencia, moitos concellos de Galiza seguen a pasar ás comunidades de montes o cobro do IBI. As comunidades de montes temos que obrigar aos concellos a que cumplan coa legalidade .
Aproveitamento de oliveiras.
A sociedade cooperativa galega Proligal pusoxe en contacto coa nosa organización para falar do tema da prantacións de oliveiras autóctonas nos montes veciñais. Manifestou a súa disposición a dar información ás comunidades de montes sobre este aproveitamento. Tanto para aquelas comunidades de montes que queiran facer este aproveitamento directamente, como para aquelas que o queiran facer mediante empresas.
Decreto de créditos de carbono.
No Diario Oficial de Galicia (DOG), número 209, de mercores 29 de Outubro, a Consellería de Presidencia, Xuventude e Deportes ven de publicar o DECRETO 95/2025 polo que regula o sistema voluntario de créditos de carbono da Xunta de Galicia.