Autor: Crist_Puxeiros

A Organización Galega de Comunidades de Montes, foi a única organización que criticou publicamente a aplicación en Galiza do decreto promulgado polo Ministerio de Transición Ecoloxica e Reto Democrático  intitulado “Rexistro de pegada de carbono,compensación e proxetos de absorción de carbono”.

A crítica viña motivada porque a aplicación de esta decreto en Galiza era negativo xa que, as únicas masas boscosas que capturarian CO , e xa que logo compensados os titulares ,eran as masas boscosas plantadas logo de un lume ou producto da forestación das terras agrarias.

E decir, en Galiza a aplicación do decreto  de Rexistro de pegada de caorbono, compensación  e proxectos de absorción de carbono significan fomento da industria do lume  e a eliminación de superficie útil agraria nun pais no que esta superficie non só é cativa, senon que ademais disminue ano a ano .

Ante esta situación, a ORGACCMM demandou diante do Parlamento Galego, do Ministerio de Transición Ecolóxica e da Oficina europea contra o cambio climático que as masas boscoas xestiónadas tamén foran consideradas capturadores do CO2.

No Parlamento Galego o Partido Popular rexeitou toda as iniciativas presentadas referente a esta cuestión e o Ministerio de Transición Ecolóxica nin contestou. Quen si deu resposta aceptando as demandas da ORGACCMM e acordando instar ao goberno central a considerar como capturadores do C02 , foi a Oficina Europea contra o cambio climático.

Dias atrás o grupo parlamentar o Partido Popular presentou unha iniciativa para  reclamar do Ministerio de Transición Ecolóxica que cumpla co recomendación da Unión Europea e faga un cambio de criterio modificando o decreto que regula o Rexistro de pegada de carbono, compensación e proxetos de absorción de dioxido de carbono para primar como superficies secuestradoras de carbono tamén aquelas derivadas dunha xestión forestal.

E acaido que os grupos políticos fagan súas as reivindicación das organizacions sectoriais. O que non é correcto e que se leve adiante unha apropiación indebida das demandas das organizacións sectoriais, sen alomenos citar a fonte  como fixo o Partido Popular nesta cuestión.

O pasado 3 de Febreiro as comunidade de montes veciñais en man común do Baixo Miño e a ORGACCMM mantiveron unha reunión para  valorar o acordo unánime do Parlamento Galego para instar ao Parlamento español a  modificar a lei de Costas de xeito que os montes veciñais en man común afectados pola demarcación marítimo-terrestre non sexan confiscados.  Solicítase que a afección dos terreos englobados na demarcación non implique a perda da titularidade veciñal como ven sucedendo.

As comunidades de montes veciñais en man común do Baixo Miño valoraron como moi importante este acordo, pero coñendo que non é definitivo, xa que o Parlamento galego non ten competencia en materia de costas e non será unha realidade até que o aprobe o Congreso.

As comunidades de montes agardan que o sentido do voto dos partidos galegos que teñen representación en Madrid sexa o mesmo que votaron no Parlamento Galego .

Na reunión, as comunidades de montes participantes lamentaron que fora rexeitada no Parlamento galego unha segunda iniciativa, presentada tamén polo grupo parlamentar do BNG, na que se solicitaba a modificación do Código Civil Español para que se recoñocese a titularidade veciñal como unha mais e distinta das titularidades públicas e privadas.

• A Organización galega de comunidades de montes iniciará na súa asemblea do 19 de febreiro a campaña de recollida de sinaturas que avalen a ILP recén rexistrada no Parlamento galego.

A ORGACCMM celebrará o vindeiro sábado, 19 de febreiro, no concello de Guitiriz, a súa asemblea xeral. Na asemblea se presentará a campaña para recabar as 10.000 sinaturas necesarias para avalar a Inciativa Lexislativa Popular rexistrada recentemente pola organización no Parlamento galego.

A Organización galega de comunidades de montes pretende con esta proposta de lei contrarrestar os cambios normativos impulsados polo Partido Popular para permitir privatizar os montes veciñais en man común, para entregarllos ás empresas forestais e madereiras.

O texto da proposta de lei de montes veciñais foi elaborada en asembleas de comunidades de montes celebradas en todas as zonas de Galicia. Xurde das propias comunidades de montes e reflicte o seu sentir.

Os principios fundamentais que motivan a presentación desta ILP son o reforzamento do carácter xermánico (comunal) dos montes veciñais, a mellora do funcionamento asembleario e democráticos das comunidades de montes, o recoñecemento da titularidade veciñal como unha mais e distinta das titularidades públicas e privadas, acadar un monte veciñal multifuncional e sustentabel, e unha fiscalidade axeitada a figura e as funcións dos montes veciñais .

 

• A ORGACCMM xunto co INGATECO celebran o «Día da loita da veciñanza comuneira na defensa o monte veciñal», este sábado 22  de xaneiro no salón de actos do concello de Mazaricos.

Con estos actos conmemorativos a Organización galega de comunidades de montes e o Instituto galego das terras comunitarias queren rendir homenaxe á veciñanza comuneira pola súa loita na defensa do monte veciñal. Unha loita de resistencia contra o expolio das terras comunitarias que tivo o seu suceso mais tráxico o dia 22 de xaneiro de 1963 no monte veciñal de Eirón, concello de Mazaricos. Ese fatídico día, o veciño comuneiro Xose Esperante, apodado «Che de Pedro», foi asasinado polas forzas do orde público cando xunto con outros veciños/as comuneiros/as tentaban impedir que as maquinas do Patrimonio Forestal Español entrasen no seu monte veciñal co fin de votar o gando e proceder a facer unha plantación de eucaliptos.

 

PROGRAMA DE ACTOS:

11:00 Horas:

• Recepción do alcalde de Mazaricos
• Saúdo do presidente da ORGACCMM
• Presentación da Unidade Didactica  “Terras comunitarias/montes veciñais” a cargo do Pte do INGATECO.

12:15 Horas

•  Desplazamento ata o monte veciñal de Eirón, lugar dos sucesos acaecidos no ano 1963  e onde está situado o monumento conmemorativo.

13:00Horas:

• Acto conmemorativo do «día da loita da veciñanza comuneira na defensa  do monte veciñal».
• Presentación e intervención do presidente de INGATECO
• Intervención do presidente da ORGACCMM
• Ofrenda floral
• Himno Galego

NOTA: Para facer o desplazamento desde o salón de actos do concello de Mazaricos ate o monte veciñal de Eirón disporase de autobuses. Quen queira facer uso dos mesmos debe comunicalo ao mobil 649137135 antes do día 19 de Xaneiro.

 

 

 

• A ORGACCMM pretende con esta proposta de lei contrarrestar os cambios normativos impulsados polo Partido Popular para permitir privatizar os montes veciñais en man común, para entregarllos ás empresas forestais e madereiras.

Sinalan que a campaña do Partido Popular para confiscar os montes comunais comenzou no ano 2012 coa promulgación de lei de montes de Galiza. Deu un chanzo importante neste intento coa lesiva lei de acompañamentos os orzamentos da Xunta de Galiza do presente ano, na que o Partido Popular regulaba a usurpación dos montes veciñais en man común á veciñanza comuneira para entregarllos os concellos e as industrias madereiras. E agora, a Conselleria do Medio Rural pretende dar o golpe definitivo ao roubo dos montes veciñais ao incluir no orde do dia do Consello Forestal a celebrar o vindeiro 18 do Xaneiro un punto para o “Inicio da revisión normativa que regula os montes veciñais“. Así, denuncian desde a ORGACCMM, o Partido Popular quere dotar as comunidades de montes de personalidade xurídica e eliminar o seu carácter comunal e intrasferible.

Desde a Organización Galega de Montes Comunais resaltan que toda esta política usurpardora e confiscadora dos montes veciñais en man común está sendo levada a cabo sen contar coa opinión das comunidades de montes quen son os lexitimos titulares dos montes veciñais.

O texto da proposta de lei de montes veciñais foi elaborada en asembleas de comunidades de montes celebradas en todas as zonas de Galicia. Xurde das propias comunidades de montes e reflicte o seu sentir. Os principios fundamentais que motivan a presentación desta Iniciativa Lexislativa Popular son o reforzamento do carácter xermánico (comunal) dos montes veciñais, a mellora do funcionamento asembleario e democráticos das comunidades de montes, o recoñecemento da titularidade veciñal como unha mais e distinta das titularidades públicas e privadas, acadar un monte veciñal multifuncional e sustentabel, e unha fiscalidade aaxeitada a figura e as funcións dos montes veciñais .

• A Organización Galega de Comunidades de Montes comenzou a rolda de reunións con representantes del gobierno estatal para paralizar a incautación dos terreos litorais das comunidades de montes.

A Organización Galega de Comunidades de Montes está moi preocupada polas comunicacións do catastro recibidas que anunciaban que as terras de monte veciñal incluidas na demarcación marítimo-terrestre pasaban a ser de titularidade da Administración do Estado. Mediante estas comunicacións o Ministerio de Economia e Facenda, as xerencias territoriais dos catastros, estaba procedendo a unha confiscación dos montes veciñais en mán común amparándose nunha lexislación que non recoñece a realidade de Galiza.

Ante esta situación a ORGACCMM representada polo seu presidente, Xosé Alfredo Pereira, e a súa coordinadora, Violeta de Santiago, xunto con representantes das Comunidades de Montes de San Miguel, Tabagón do Rosal, e de Salcidos da Guarda, tiveron unha reunión coa Subdelegada do Goberno en Pontevedra, Maica Larriba e técnicos de Costas e Catastro.

Foi unha primeira toma de contacto que a Organización Galega de Comunidades de Montes valora positivamente. «Ademais de poñer enriba da mesa as cuestións que nos preocupan, comprobamos con agrado a boa disposición e receptividade tanto da Subdelegada como dos técnicos asistentes e quedamos emprazados a seguir traballando para acadar solucións» resume Violeta de Santiago, coordinadora da Organización galega de comunidades de montes.